20/9

到最後.....

其實都估到...不過唔緊要....

我真係要抖下....有緣再見啦.....老婆

我最後一次打既日記....

18/9

琴晚係上水同幾個朋友飲酒.....飲到冇幾耐見到老婆打黎..我就即刻出左去打返比佢...

聽到一把好懷念既聲音...雖然你既反應都係咁冷淡...但我都好開心...

因為你肯搵下我...你係咁叫我返屋企唔好飲咁多...我好聽話即刻返屋企...

跟住訓醒好頭痛..可能飲多左掛...起身坐係到冇野做就係到諗你....

今日冇返到工..唔知道我既心意有冇感動到你呢老婆?

唔知可唔可以恢復你對我既愛呢...一諗到哩到就會好想星期六快d黎....

如果老婆返黎我身邊果晚我就會同佢過..之後打後d假期紅日都會俾晒你一個人...

唔會再要開工...哩個係我對你既承諾.....

岩岩5點訓醒左..個頭仲係咁痛,好多人打過比我...不過我冇心情回電話...

老婆哩家一定係到開緊工....俾心機阿...今晚如果有你打黎就好....

我答應你...我唔出去飲...係屋企飲........我會聽你話....

希望可以令你加分.....

16/9

痛苦既第一天...

今日煩住你好對唔住...哩個星期我唔會搵你...你想搵我果陣就打俾我啦...

今日成日心情好差...契爺同d師兄係咁問我咩事...我都冇理到佢地....

我終於知道乜野叫做萬念俱灰....真係睇所有野都係灰色...

我不會怪你..我只係想你哩幾日諗清楚自己個心到底係點...我會講得出做得到...

哩幾日唯有忍痛唔打俾你....到星期六我希望個答案可以令我開心返....

不過話事權係你手上...我現在可以做既野係等...同埋晚晚乖乖地係屋企....

岩岩收工果陣係百佳買左好多啤酒...今晚都要醉下先得...

我怕今晚又訓唔著....太重要啦你哈哈,今日一諗起我同你一齊發生過既係會好心暖...

但係一諗到依家哩幾日不屬於我我就會好痛好痛...所以今晚飲下先

我個fd同我講...有時d野係你就係你既...咁唔開心都冇用....

我都覺得係既...如果你仲係愛我既話你會返黎我身邊...

到你完全唔愛我,就算你返黎都冇意思....

不過如果你同返我一齊我會更加更加好對你...答應過你既野一定會做到...

我仲係好想同你過我地第一個聖誕節,一齊睇燈飾一齊影好多相...

新年可以同你返我鄉下過返幾日輕鬆既生活....好想同你有更多既回憶...

希望我會有咁既機會珍惜同愛你洛去啦...

唔知你係到做緊乜野呢...自己一個人係出面小心d阿..唔好成日撞親....

唔好咁夜先返屋企...我知我長氣...不過我仍可以關心你掛....

因為我會一直愛你....